Mar 31, 2024
لاہور(کرائم رپورٹرسے) ترجمان پنجاب پولیس نے بتایا کہ گذشتہ 24 گھنٹوں کے دوران لاہور سمیت صوبہ بھر میں منشیات فروشوں کے ٹھکانوں پر 494 ریڈز کی گئیں، منشیات کی سپلائی چین میں ملوث ملزمان کے خلاف 223 مقدمات درج کرتے ہوئے 224 ملزمان کو گرفتار کیا گیا ، ملزمان کے قبضے سے 147 کلوگرام چرس، 2 کلو 908 گرام آئس، اڑھائی کلو سے زائد ہیروئن برآمد ہوئی ۔ ترجمان کے مطابق وزیر اعلی پنجاب کے احکامات پر خاص طور پر شروع کئے گئے کریک ڈاؤن میں 11 روز کے دوران صوبہ بھر میں منشیات فروشوں کے ٹھکانے پر 7021 ریڈز کی گئیں۔
(روز نامہ جنگ)
**********************